പ്രേക്ഷകർ ആഘോഷമാക്കി വരവേറ്റ ചിത്രമാണ് സുകുമാർ സംവിധാനം ചെയ്ത അല്ലു അർജുൻ ചിത്രം പുഷ്പ. അല്ലു അർജുന്റെ നായികയായി ചിത്രത്തിൽ എത്തിയത് നടി രശ്മിക മന്ദാന ആയിരുന്നു. ചിത്രത്തിലെ വില്ലൻ കഥാപാത്രത്തെ അവിസ്മരണീയമാക്കി മലയാളികളുടെ പ്രിയതാരം ഫഹദ് ഫാസിലും ഈ ചിത്രത്തിൽ വേഷമിട്ടിരുന്നു. തെലുങ്ക് ഉൾപ്പെടെ 5 ഭാഷകളിലായി റിലീസ് ചെയ്ത ഈ ചിത്രത്തിലെ ഓരോ ഗാനങ്ങളും പ്രേക്ഷകർ നെഞ്ചിലേറ്റിയവയാണ്.
ഇപ്പോൾ സാമൂഹ്യമാധ്യമങ്ങളിൽ ഹിറ്റായി മാറിയിരിക്കുന്നത് ഈ ചിത്രത്തിലെ റൊമാന്റിക് വീഡിയോ ഗാനമായ ശ്രീവല്ലി …. എന്ന പാട്ടാണ്. ഈ ഗാനത്തിന്റെ വീഡിയോയിൽ റൊമാൻസ് നിറഞ്ഞ അല്ലു അർജുന്റെ നോട്ടങ്ങളും ആരാധകരെ ത്രസിപ്പിക്കുന്ന നായിക രശ്മികയുടെ രംഗങ്ങൾ കൊണ്ടും ഈ ഗാനം സോഷ്യൽ മീഡിയയിൽ തരംഗമായി. പ്രണയ രംഗങ്ങൾ നിറഞ്ഞ ഈ ഗാനത്തിൽ ചിത്രത്തിലെ ചന്ദന കടത്തിന്റെ രംഗങ്ങളും ഉൾക്കൊള്ളിച്ചിട്ടുണ്ട്. പോസ്റ്റ് ചെയ്ത് മണിക്കൂറുകൾ പിന്നിടുമ്പോഴേക്കും ലക്ഷക്കണക്കിന് കാഴ്ചക്കാരെയാണ് വീഡിയോ സ്വന്തമാക്കിയത്’.
ഈ മനോഹര പ്രണയഗാനത്തിന് ഈണം പകർത്തിരിക്കുന്നത് ദേവീ ശ്രീപ്രസാദ് ആണ് . ചന്ദ്രബോസിന്റെ രചനയാണ് ഈ തെലുങ്ക് ഗാനം . സിദ് ശ്രീറാം ആണ് ഈ ഗാനം ആലപിച്ചിരിക്കുന്നത്. സിദ് ശ്രീറാം തന്നെയാണ് ശ്രീവല്ലിയുടെ തമിഴ്, മലയാളം, കന്നഡ ഗാനവും പാടിയിരിക്കുന്നത്.
സംവിധായകൻ സുകുമാർ തന്നെയാണ് ഈ ചിത്രത്തിന്റെ രചനയും നിർവഹിച്ചിരിക്കുന്നത്. വമ്പൻ കളക്ഷനുകൾ നേടി മുന്നേറുന്ന പുഷ്പ ബിഗ് ബഡ്ജറ്റിൽ ഒരുങ്ങിയ ചിത്രമാണ്.
