കിറിക് പാർട്ടി എന്ന കന്നഡ സിനിമയിലൂടെ അഭിനയ ജീവിതം ആരംഭിച്ച സൗത്ത് ഇന്ത്യൻ താരസുന്ദരിയാണ് നടി രശ്മിക മന്ദാന. മലയാളികൾക്ക് ഇടയിൽ താരം സുപരിചിതയായി മാറുന്നത് വിജയ് ദേവരകൊണ്ടയ്ക്ക് ഒപ്പമുള്ള രണ്ട് സിനിമകളിൽ നായികയായി രശ്മിക അഭിനയിച്ചതോടെയാണ് . മലയാളി പ്രേക്ഷകർക്കിടയിൽ വലിയ തരംഗം സൃഷ്ടിച്ചവ ആയിരുന്നു ഈ രണ്ട് ചിത്രങ്ങൾ .
എല്ലാ ഭാഷകളിലും വലിയ ഓളം സൃഷ്ടിച്ച പുഷ്പ എന്ന ചിത്രത്തിൽ അല്ലു അർജുന്റെ നായികയായി എത്തിയതോടെയാണ് കൂടുതൽ ആളുകൾ അറിയപ്പെടുന്ന താരമായി രശ്മിക മാറിയത്.
രശ്മികയെ പത്രമാധ്യമങ്ങൾ വിശേഷിപ്പിക്കുന്നത് നാഷണൽ ക്രഷ് എന്നാണ് . താരത്തിന് ഓരോ സിനിമകൾ കഴിയുംതോറും ആരാധകരുടെ എണ്ണത്തിൽ വൻ വർധനവ് ഉണ്ടാവുകയാണ്. രശ്മികയുടെ ഓരോ പുതിയ വിശേഷങ്ങൾ അറിയുന്നതിൽ ഏറെ താൽപരരാണ് ആരാധകർ .
താരത്തിന്റെ അതികഠിനമായി വർക്ക് ഔട്ട് ചെയ്യുന്ന ഒരു വീഡിയോയാണ് ഇപ്പോൾ സാമൂഹ്യ മാധ്യമങ്ങളിൽ വൈറലായി മാറുന്നത്. രശ്മികയുടെ വർക്ക് ഔട്ട് വേഗതയും ഫ്ലെക്സിബിളിറ്റിയും എല്ലാം ആരാധകർക്ക് ഈ വീഡിയോയിൽ കാണാൻ സാധിക്കും. ഫിറ്റ് നെസിന് ഇത്രയും ശ്രദ്ധ കൊടുക്കുന്ന ഒരാളായിരുന്നോ താരം എന്ന് വീഡിയോ കണ്ട ചില പ്രേക്ഷകർ ചോദിക്കുന്നുണ്ട്. താരങ്ങൾ ഉൾപ്പടെ ഒട്ടേറെ പ്രേക്ഷകർ രശ്മികയുടെ ഈ വീഡിയോയ്ക്ക് അഭിപ്രായങ്ങൾ രേഖപ്പെടുത്തിയിട്ടുണ്ട്.
ഒരു ബൈസെപ്സ് ഇമോജി നൽകു , നിങ്ങൾക്കും വർക്ക് ഔട്ട് ചെയ്യാൻ ഇഷ്ടമാണെങ്കിൽ എന്ന് പറഞ്ഞു കൊണ്ട് ഈ വീഡിയോയ്ക്ക് താഴെ താരം ഒരു ക്യാപ്ഷനും നൽകിയാണ് രശ്മിക ഈ വീഡിയോ പോസ്റ്റ് ചെയ്തിരിക്കുന്നത്. ഏകദേശം 50 ലക്ഷത്തോളം കാഴ്ചക്കാരെയാണ് താരത്തിന്റെ ഈ വീഡിയോ സ്വന്തമാക്കിയത്. മിഷൻ മജ്നു, ഗുഡ് ബൈ തുടങ്ങിയ ചിത്രങ്ങളാണ് രശ്മികയുടെ പുതിയ സിനിമകൾ.
